• Rus Dili
  • Reklam
    » » DİN-in təşkilati dəstəyi ilə tədbir keçirilib
    

    DİN-in təşkilati dəstəyi ilə tədbir keçirilib

    30-07-2017, 04:29
    Oxunub: 193
    Şərhlər: 0
    Çap versiyası
    Gəncədə BMT-nin Miqrasiya Təşkilatı (BMQT) tərəfindən İnsan Alverinə Qarşı Dünya Mübarizə Günü ilə əlaqədar tədbir keçirilib.
    Tədbir Daxili İşlər Nazirliyinin təşkilati dəstəyi, ABŞ Beynəlxalq İnkişaf Agentliyi (USAID) və ABŞ Dövlət Departamentinin maliyyə dəstəyi ilə təşkil olunub.
    DİN-in təşkilati dəstəyi ilə tədbir keçirilib
    “Azərbaycanda insan alverinə qarşı mübarizə üzrə potensialların artırılması” layihəsi çərçivəsində keçirilən tədbirdə Daxili İşlər Nazirliyinin İnsan Alverinə qarşı Mübarizə Baş İdarəsinin rəisi, polis polkovniki Heydər Heydərov, BMqT-nin Azərbaycandakı nümayəndəliyinin rəhbəri Serhan Aktoprak, Gəncə Şəhər İcra Hakimiyyəti başçısının hüquq şöbəsinin müdiri Xaqani Əbdüləzimov, USAID-in Azərbaycan nümayəndəliyinin icraçı direktoru Rəndol Olson, aidiyyəti dövlət və qeyri-dövlət qurumlarının, diplomatik nümayəndəliklərin, beynəlxalq təşkilatların və vətəndaş cəmiyyətinin nümayəndələri iştirak edib.

    Tədbirdə çıxış edən BMQT-nin Azərbaycandakı nümayəndəliyinin rəhbəri Serhan Aktoprak miqrantların hüquqlarının müdafiəsinin təmin olunması sahəsində Dövlət Miqrasiya Xidməti ilə sıx əməkdaşlıq etdiklərini bildirib. İnsan həyatının xilas olunmasının önəmindən danışan Serhan Aktoprak bu sahədə vətəndaş cəmiyyətini daha fəal olmağa səsləyib.

    Gəncə Şəhər İcra Hakimiyyəti başçısının hüquq şöbəsinin müdiri Xaqani Əbdüləzimov insan alveri və qanunsuz miqrasiya haqqında danışıb. Xaqani Əbdüləzimov bu istiqamətdə əməkdaşlıq etməyin vacibliyini vurğulayıb, habelə Gəncədə həmin sahədə görülən işləri qeyd edib.
    Daxili İşlər Nazirliyinin İnsan Alverinə qarşı Mübarizə Baş İdarəsinin rəisi, polis polkovniki Heydər Heydərov görülən tədbirlər nəticəsində insan alverindən əziyyət çəkənlərin ilbəil azaldığını vurğulayıb.

    USAID-in Azərbaycan nümayəndəliyinin icraçı direktoru Rəndol Olson əməkdaşlığın əhəmiyyətindən danışaraq, yalnız bu yolla insan alverinin qarşısını almağın mümkün ola biləcəyini deyib.

    Plenar iclas şəklində davam edən tədbirdə Daxili İşlər Nazirliyinin İnsan Alverinə qarşı Mübarizə Baş İdarəsi ilə BMQT-nin Azərbaycandakı nümayəndəliyi arasında birgə bəyannamə imzalanıb.
    DİN-in təşkilati dəstəyi ilə tədbir keçirilib
    DİN-in təşkilati dəstəyi ilə tədbir keçirilib
    скачать dle 10.6фильмы бесплатно
    <
    Məqalənin reytinqi:
      
    Уважаемый посетитель, Вы зашли на сайт как незарегистрированный пользователь. Мы рекомендуем Вам зарегистрироваться либо зайти на сайт под своим именем.