• Rus Dili
  • Reklam
    » » DYP ləğv edilsin, korrupsiya bitsin
    

    DYP ləğv edilsin, korrupsiya bitsin

    7-03-2018, 18:32
    Oxunub: 2 230
    Şərhlər: 0
    Çap versiyası
    DYP ləğv edilsin, korrupsiya bitsin
    AĞ Partiya üzvü, hüquq eksperti Fariz Kərimov

    Dövlət Yol Polisi ləğvi haqqında təklifim.

    Azərbaycanda devalvasiya baş verəndən bəri bu durumu dəyişmək üçün dövlətin bəzi qurumları “ov oyunları”-nı elan etdi. Sadə vətəndaşları, orta və kiçik sahibkarları “soyaraq”, büdcə kəsiri onların hesabına ödəməyə çalışırlar. Ölkə başçısının bu haqda dəfələrlə xəbərdarlıq etməsinə baxmayaraq, durum müsbət tərəfə dəyişmir. Prezidentin, hətta iş sahibkarlarına müraciat etməsinə rəğmən, durum eynidir...
    Axı bu sahibkar nə etsin?! O da qorxur, çünki yerli icra orqanlarının “fəaliyyəti” göz qabağındadır.
    Bu kəsiri sadə vətəndaşların hesabına ödəməklə yox, adi bir islahat keçirməklə vəziyyəti dəyişmək mümkündür.

    AĞ Partiyanın üzvü olaraq, bir misal getirmək istərdim:

    Məlum olduğu kimi, ölkə başçısının 26 oktyabr 2007-ci il tarixli Fərmanı ilə nəqliyyat sahəsində İdarəetmə sistemi formalaşdırmaq, ölkədə nəqliyyat axınının effektiv idarəedilməsini təmin etmək üçün Nəqliyyatı İntellektual İdarəetmə Mərkəzi (NİİM) yaradılıb. 2007-ci ildən bu qurum dövlət büdcəsindən maliyyələşir. Yəni hər il bu quruma dövlət büdcəsindən külli miqdarda pul ayrılır. Ölkə ərazisində kameralar, informativ bələdçilər və digər texniki avadanlıq quraşdırılır. NİİM-in yüksək səviyyədə çalışması üçün ayrıca mərkəz inşa olunur və əməkdaşlar cəlb edilir. Bunların hamısına dövlət özü xərc çəkir. Ümumiyyətlə, NİİM-in formalaşdırılması təqdirə layiq və innovativ bir addım olub, amma onun normal fəaliyyəti üçün digər parallel addımlar atılmalıdır.

    Sual yaranır ki, hansı addım?

    İlk olaraq, həmin qurumun tam azad, şəffaf və müstəqil rejimdə çalışması.
    İkincisi və ən əsası isə, polis orqanlarında ciddi islahatlar aparılmalıdır. Dövlət yol polisi tam restrukturizasiyasına ehtiyac var.
    Çox uzaqa getmədən, elə yaxın qonşumuza baxsaq, kifayətdir. Burada islahatlar nəticəsində vahid polis sistemi quruldu. Lazımsız və büdcədən artıq vəsait yeyən, korrupsiyada mühüm rol oynayan yol polisi tam olaraq ləğv edildi. Post Patrul Xidmətinin səlahiyyəti artırılaraq xidməti funksiyaları genişləndi.
    NİİM-in nəzərdə tutulan, amma illərdi işləyə bilməyən missiyası da həyata keçirilməlidir.
    Bu, “sovet”dən qalma, dar polis sistemindən uzaqlaşaraq büdcədən lazımsız daxili xərcləri azaltmaqla böyük bir qənaət etmək mümkündür.
    Bu sistem Avropada və ümumi olaraq Qərbdə, hətta bəzi Asiya ölkələrində və Gürcustanda belə, işə salınaraq faydasını sübut edib.

    Sözsüz ki, sistem baxımından bəzi çətinliklər də olacaq, lakin bu islahatların müsbət cəhətləri daha çoxdur. Belə bir addım atılsa, illər boyu vətəndaşlarımızın və büdcənin “qan içən” korrupsiya ocağı ləğv edilsə, insanlar daha məmnun olar və uzun zamandır toplanan problemlərin həll yolunu tapardı.

    Kanadadan bir misal gətirmək istərdim. Burada Post Patrul Xidməti gündəlik işi üzrə çalışaraq yol hərəkət qaydalarına nəzarət edir. Yol hərəkət qaydaları pozulduqda, bu, şəhərin kameralarında qeydə alınır və, hadisə ciddiliyindən asılı olaraq, əraziyə patrul maşını göndərilir. Xırda pozuntu baş verdikdə isə, avtomobil sahibinin ünvanına bir iş həftəsi ərzində cərimə bildirişi göndərilir. Burada NİİM və polisin birgə produktiv fəaliyyəti nəzərə çarpır.

    Azərbaycanda da bu iş prinsipləri ilə çalışmaq mümkümdür. Sadə polis strukturunda ediləcək islahatlarla həm büdcəyə qənaət edilir, həm də artıq 2007-ci ildən yaranan bir qurum tam fəaliyyətə keçir. Nəticədə isə, vətəndaşların razılığı əldə edilir.

    Heç bir hakimiyyət unutmamalıdır ki, əsl güc və şərəf doğma xalqın maraqlarını qorumaqla əldə edilir.

    Ardı var...скачать dle 10.6фильмы бесплатно
    <
    Məqalənin reytinqi:
      
    Уважаемый посетитель, Вы зашли на сайт как незарегистрированный пользователь. Мы рекомендуем Вам зарегистрироваться либо зайти на сайт под своим именем.