• Rus Dili
  • Reklam
    » » Nemət Pənahlı təcili hospitala yerləşdirilib
    

    Nemət Pənahlı təcili hospitala yerləşdirilib

    6-03-2016, 15:53
    Oxunub: 582
    Şərhlər: 0
    Çap versiyası
     Nemət Pənahlı təcili hospitala yerləşdirilib
    Partiya sədrinin səhhətindəki problemlər artıb; Ailəsi Nemət Pənahlı ilə görüşüb

    Həcər Pənahlı: “Şəkəri və böyrəyi ilə bağlı ciddi narahatçılığı var”

    Hazırda həbsdə olan Azərbaycan Milli Dövlətçilik Partiyasının sədri Nemət Pənahlı səhhətindəki problemlərlə bağlı martın 5-də hospitala köçürülüb. Partiya sədrinin ailəsi martın 6-da hospitalda onunla görüşüb.

    Bu barədə musavat.com-a N.Pənahlının həyat yoldaşı Həcər Pənahlı məlumat verib: “Neməti martın 5-də təcili hospitala köçürüblər. Onunla görüşdük. Səhhəti hələ ki, babat idi. Açığı qəflətən hospitala köçürülməsinin səbəbini anlamıram. Nemətin səhhətinin ağır olması ilə bağlı dəfələrlə mətbuata məlumat vermişik, aidiyyatı orqanlara müraciət etmişik. Bununla bağlı da Neməti hospitala köçürə bilərlər. Özü ilə görüşdük və bir qədər söhbət etdik. Onun şəkəri və böyrəyi ilə bağlı ciddi narahatçılığı var. Amma onun hospitala köçürüləcəyini bilmirdik. Ona görə də çox narahat olduq. Özü zəng edib, mənə məlumat verdi. Hospitala köçürülməsinin səbəbi ilə bağlı hələ ki, heç nə demirlər. Müayinədən sonra nəsə deyəcəklər. Saxlanıldığı həbsxana ilə bağlı Nemətin elə bir şikayəti olmadı. Şənbə-bazar günlərinə düşdüyünə görə Nemət hələ müayinə olunmayıb. Görüşümüz zamanı onu dedi ki, Qobustandakı cəzasının uzadılmasına əsas kimi apellyasiya qərarının iyun ayında verilməsi göstərilib. Açığı Nemətin təzədən 18 saylı cəzaçəkmə müəssisəsinə qaytarılacağına inanmıram. Fakt budur ki, Neməti Qobustanda saxladılar”.

    Qeyd edək ki, Milli Azadlıq Hərəkatının öncül simalarından olan Nemət Pənahlı 2011-ci il yanvarın 8-də tutulub. O, xuliqanlıq və qəsdən sağlamlığa az ağır zərər vurma ittihamı ilə 6 il müddətinə azadlıqdan məhrum edilib. O, Qobustan həbsxanasına 17 saylı Cəzaçəkmə Müəssisəsi rəisinin 2013-cü ilin yayındakı təqdimatı əsasında köçürülüb. Partiya sədrinin azadlığa çıxmasına 10 ay qalıb.

    Cavanşir ABBASLI,
    Musavat.comскачать dle 10.6фильмы бесплатно
    <
    Məqalənin reytinqi:
      
    Уважаемый посетитель, Вы зашли на сайт как незарегистрированный пользователь. Мы рекомендуем Вам зарегистрироваться либо зайти на сайт под своим именем.