• Rus Dili
  • Reklam
    » » SOCAR-ın təqaüd proqramı ilə bağlı imtahan keçirilir
    

    SOCAR-ın təqaüd proqramı ilə bağlı imtahan keçirilir

    1-05-2016, 13:39
    Oxunub: 631
    Şərhlər: 0
    Çap versiyası
    SOCAR-ın təqaüd proqramı ilə bağlı imtahan keçirilir
    Tələbə Qəbulu üzrə Dövlət Komissiyası (TQDK) 2016-cı il mayın 1-də Azərbaycan Respublikası ali təhsil müəssisələrinin tələbələrinə SOCAR-ın təqaüd proqramına namizədlərin seçim imtahanının I mərhələsi olan test imtahanını keçirir.

    TQDK-dan verilən məlumata görə, imtahan Bakı Dövlət Universitetinin I, II və Yeni tədris binalarında (Z.Xəlilov küç., 23) aparılır və saat 11:00-da başlanır.

    SOCAR bu layihəni neft-qaz sənayesi sahəsində savadlı gənc mütəxəssislərin hazırlanması, tələbələrin müasir elmi və təcrübi biliklərə yiyələnməyə həvəsləndirilməsi məqsədilə 2004/2005-ci tədris ilindən etibarən həyata keçirir.

    Qeydiyyat SOCAR tərəfindən aparılıb və 1570 nəfər qeydiyyatdan keçib.

    İmtahanın idarə olunması üçün 9 imtahan rəhbəri, 114 nəzarətçi-müəllim ayrılıb.

    Test imtahanında tələbələrə məntiqi təfəkkürü yoxlayan 40 test tapşırığı təqdim olunur.

    Onlardan 30-u qapalı, 10-u isə açıq tipli test tapşırıqlarıdır. Bu tapşırıqlara cavab üçün namizədlərə 1 saat vaxt verilir. Qapalı test tapşırıqlarında 5 cavab variantı verilir və onlardan yalnız birini (doğrusunu) seçmək tələb olunur.

    Açıq test tapşırıqlarında isə namizəd müəyyən etdiyi cavabı “Cavab kartı”da müvafiq damalara qeyd edir və kodlaşdırır. Hər suala 1 bal verilir. Səhv cavabların nəticəsi düzgün cavabların nəticəsinə təsir etmir.

    İmtahanın nəticəsinə əsasən yüksək bal toplamış namizədlər növbəti mərhələdə - müsahibədə iştirak edəcəklər. Müsahibəni SOCAR-ın məsul əməkdaşlarından ibarət komissiya həyata keçirəcək.(Report)скачать dle 10.6фильмы бесплатно
    <
    Məqalənin reytinqi:
      
    Уважаемый посетитель, Вы зашли на сайт как незарегистрированный пользователь. Мы рекомендуем Вам зарегистрироваться либо зайти на сайт под своим именем.